Vertu sterk

Fangi sleppur úr fangelsi þar sem hann hefur verið í 15 ár. Á flóttanum finnur hann hús og brýst inn í það til að leita af peningum og byssum, en hann finnur bara ungt par í rúmi.   Hann skipar stráknum að fara úr rúminu, og bindur hann fastan á stól. Á meðan hann er að binda stelpuna upp í rúmi....og kyssir hana á hálsinn og fer svo inná baðherbergi. Á meðan hann er þar segir strákurinn við stelpuna: Hey þessi gaur er fangi sem hefur flúið, sjáðu bara fötin hans! hann hefur örugglega verið lengi í fangelsi og hefur ekki séð konu í mörg ár. Ég sá hvernig hann kyssti á hálsinn á þér. Ef hann vill kynlíf ekki segja nei eða neitt gerðu bara það sem hann segir þér að gera, veittu honum fullnægingu. Þessi gaur hlýtur að vera hættulegur og ef hann verður reiður drepur hann örugglega okkur bæði. Vertu sterk elskan, ég elska þig!   Konan svarar „Hann var ekki að kyssa á mér hálsinn, hann var að hvísla að mér og sagði að hann væri hommi og fannst þú vera mjög sexy og spurði hvort við ættum eitthvað vaselín inná klósetti.  - Vertu sterkur ég elska þig líka!!!  Smá bónusbrandari:Hún giftist og eignaðist 13 börn, þá dó eiginmaðurinn Hún giftist aftur og eignaðist 7 börn og aftur dó eiginmaðurinn Hún giftist þeim þriðja og 5 börn bættust við, eftir farsæla og langa ævi dó hún og skildi eftir sig 25 afkvæmi. Standandi við kistuna mælti presturinn ...„Þakka þér Guð fyrir þessa ástríku konu en nú að lokum eru þau saman“Einn syrgjanda á næsta bekk hallaði sér fram og spurði vin sinn: „Er hann að tala um fyrsta, annan eða þriðja eiginmanninn“Vinurinn svaraði: „Nei, hann er að tala um lærin á henni“          

Bísnessmaðurinn

Pétur átti eina dóttur sem hann elskaði mjög mikið. Pétur átti líka stórt og arðbært fyrirtæki. Pétri líkaði ekki allskostar vel við nýja tengdasoninn en fann líka að dóttir hans tók það nærri sér. Hann ákvað því að brjóta odd af oflæti sínu og taka unga manninn inn í fjölskylduna með stæl. Hann biður unga manninn að koma að máli við sig sem hann og gerir. Þar tilkynnir Pétur honum að hann hafi tekið ákvörðun um að gefa honum helminginn af fyrirtækinu sínu til að sýna honum að hann sé raunverulega velkominn í fjölskylduna.   Þetta leist unga manninn afar vel á og tók fagnandi á móti gjöfinni. Pétur segir þá við hann að næsta morgun skuli hann mæta í verksmiðjuna og byrja að vinna þar og síðan sjái þeir til hvernig málin þróist. Þetta leist unga manninn hins vegar alls ekki á. „Það á ekki við … mig að vinna í verksmiðju, það er allt of mikill hávaði og svo er allt svo skítugt. Nei, þetta gengur ekki upp.”, segir hann.   Pétri var auðvitað brugðið en til að leysa málið segir hann við unga manninn að þetta sé ekkert mál. Hann skuli mæta næsta morgun niður á skrifstofuna sína og vinna þar með honum. „Nei, það gengur heldur ekki upp sagði ungi maðurinn. Ég get ekki verið að loka mig inní litlu herbergi bak við lítið skrifborð. Ég get ekki unnið á skrifstofu, það er alveg klárt mál.”, segir hann.   Nú var farið að fjúka í Pétur enda viðbrögð unga mannsins honum alveg óskiljanleg. „Hvað á ég þá að gera við þig, þú villt ekki vinna á skrifstofunni og ekki í verksmiðjunni. Hvað á ég eiginlega að gera þá.”, segir Pétur. Það er einfalt svaraði ungi maðurinn. Ég skal bara selja þér minn hluta af fyrirtækinu….. 

Traustur vinur

Tvö vinapör sátu og spiluðu. Leifur var svo óheppinn að hann missti eitt spilið á gólfið. Þegar hann beygði sig niður til að taka það upp, tók hann eftir að Lísa kona Andrésar var buxnalaus. Seinna þegar Leifur fór fram í eldhús til að sækja hressingu, kom Lísa á eftir honum og spurði:  „Sástu eittvað sem þér líkaði undir borðinu?” - Leifur viðurkenndi: – „Mmmm, já það gerði ég.“ Hún svaraði: –  „Þú getur …fengið það, en það kostar þig ….50 þúsund.“   Leifur gaf strax til kynna að hann væri áhugasamur. Þá lagði Lísa til; að þar sem Andrés væri í vinnu seinnipart föstudagsins og Leifur ekki, gæti hann komið við um tvöleytið. Föstudagurinn rann upp og Leifur gerði eins og fyrir hann var lagt. Greiddi sinn 50 þúsund kall og átti góða stund með Lísu og fór.   Andrés kom heim um sexleytið og spurði konu sína hvort Leifur hafi komið við, núna seinnipartinn. Undrandi á spurningunni, svaraði Lísa: –   „Já Andrés, hann kom aðeins við í nokkrar mínútur.“ -Lét hann þig fá 50 þúsund kall? Lísa hélt nú að allt hefði komist upp, og svaraði niðurlút –  „Já hann lét mig fá 50 þúsund…..“   - „Flott“ sagði Andrés. –  „Leifur kom nefnilega við á skrifstofunni í morgun og fékk lánaðan hjá mér 50 þúsund kall og lofaði að koma við seinnipartinn og skila honum. Það er gott að eiga vini sem maður getur treyst.“  

Vandamál varðandi bjórdrykkju

Vandamál: Drykkjan veitir enga ánægju bjórinn er óvenjulega bragðlaus, fölur og tær. Orsök: Glasið er tómt. Viðbrögð: Fáðu einhvern til að kaupa annan bjór handa þér.   Vandamál: Drykkjan veitir enga ánægju, bjórinn er óvenjulega bragðlaus, fremri hlutinn á þér er blautur. Orsök: Munnurinn hefur ekki verið opinn meðan þú varst að drekka eða glasið hefur verið sett upp við rangan andlitshluta. Viðbrögð: Kauptu annan bjór og æfðu þig fyrir framan spegil. Drekktu eins marga og þörf er á til að byggja upp fullkomna tækni.   Vandamál: Fætur blautir og kaldir Orsök: Glasinu hefur verið haldið á hvolfi Viðbrögð: Snúðu glasinu við þannig að "opni" endinn snúi upp.   Vandamál: Fætur blautir og heitir Orsök: Slæm stjórn á þvagblöðrunni Viðbrögð: Skiptu um sokka.   Vandamál: Gólfið er þokukennt Orsök: Þú ert að horfa í gegnum botninn á tómu glasi Viðbrögð: Fáðu einhvern til að kaupa annan bjór handa þér.   Vandamál: Gólfið sveiflast Orsök: Of mikil ókyrrð í loftinu, sennilega vegna úrslita sem hafa orðið í einhverju spili á barnum Viðbrögð: Fáðu lánað kústskaft til að styðjast við.   Vandamál: Gólfið hreyfist Orsök: Það er verið að bera þig út Viðbrögð: Reyndu að komast að því hvort að það sé verið að fara með þig á annan bar.    Vandamál: Veggurinn á móti þér er þakinn loftklæðningu og ljósaperum Orsök: Þú hefur dottið aftur fyrir þig Viðbrögð: Ef glasið þitt er fullt og enginn stendur á hendinni á þér, vertu þá bara ennþá á gólfinu og haltu áfram að drekka. Ef ekki, fáðu þá einhvern til að hjálpa þér að standa upp og haltu þér vel í barborðið.   Vandamál: Allt er orðið dimmt, munnurinn á þér er fullur af sígarettustubbum Orsök: Þú hefur dottið fram fyrir þig. Viðbrögð: Sjá fyrir ofan   Vandamál: Allt er orðið dimmt Orsök: Það er búið að loka barnum Viðbrögð: Bankaðu og athugaðu hvort einhver sé enn að afgreiða á barnum.   Vandamál: Þú vaknar og finnur að rúmið þitt er kalt, hart og blautt; þú sérð ekkert inni í svefnherberginu. Orsök: Þú hefur sofnað í göturæsinu. Viðbrögð: Kíktu á klukkuna til að gá hvort að það sé búið að opna barina. Ef ekki, reyndu þá að sofa aðeins lengur        

Góður kjúklingur

Þrír synir afar guðhræddrar móður fóru að heiman til að spreyta sig á lífinu. Allir áttu þeir miklu láni að fagna og græddu peninga í stórum fúlgum. Að mörgum árum liðnum hittust þeir og ræddu meðal annars um gjafirnar sem þeir höfðu sent aldraðri móður sinni. „Ég reisti henni mömmu myndarlegt hús," sagði sá fyrsti. „Ég sendi henni eitt stykki Mercedes Benz með bílstjóra," sagði annar. „Ég gerði enn betur," sagði sá þriðji. „Þið munið hvað mamma hafði mikla unun af að lesa Biblíuna og að hún er farin að missa sjón. Þess vegna sendi ég henni stóran, brúnan páfagauk sem kann hana alla utan að. Það tók tuttugu presta tólf ár að kenna páfagauknum þetta. Verkefnið kostaði milljón dollara á ári, en það var þess virði. Mamma þarf ekki annað en að nefna rit, kafla og vers og þá fer páfagaukurinn með textann." Skömmu síðar sendi móðirin sonum sínum þakkarbréf. Til fyrsta sonarins skrifaði hún: „Kæri sonur! Húsið sem þú byggðir er risastórt. Ég bý aðeins í einu herbergjanna en þarf að þrífa allt húsið." Sonur númer tvö fékk eftirfarandi bréf: „Elskaði sonur! Ég er orðin alltof gömul til að ferðast. Ég er alltaf heima og nota Bensinn aldrei. Bílstjórinn er óttalegur dóni." Þriðja syninum sendi móðirin þessi skilaboð: „Yndislega afkvæmi! Þú varst eini sonurinn sem gerðir þér grein fyrir hvernig ætti að gleðja hana móður þína. Kjúklingurinn var hreinasta hnossgæti!" —  

Guð skapaði manninn

Guð skapaði asnann og sagði við hann:  „Þú verður asni og vinnur baki brotnu frá sólarupprás til sólarlags og berð þungar byrðar. Þú étur gras , státar ekki af neinum gáfum og lifir í 50 ár." - Og asninn svaraði:  „Ég skal vera asni en að lifa í 50 ár er allt of mikið. Hafðu þau 20."  - Og guð samþykkti það. Guð skapaði hundinn og sagði við hann: „Þú verður hundur, Þú gætir húss mannsins og verður besti vinur hans. Þú þiggur leifarnar sem hann réttir þér og lifir í 25 ár." Hundurinn svaraði: Ég skal vera hundur en að lifa í 25 ár er allt of mikið. Hafðu þau 10." - Og guð samþykkti það. Guð skapaði apann og sagði við hann:  „Þú verður api. Þú sveiflar þér úr einu tré í annað og gerir ýmsar kúnstir. Þú verður skemmtilegur og lifir í 20 ár." Apinn svaraði:  „Ég skal vera api en að lifa í 20 ár er allt of langt. Hafðu þau 10." - Og guð samþykkti það. Að lokum skapaði guð manninn og sagði við hann:  „ Þú ert maðurinn eina vitsmunaveran á jarðkringlunni. Þú notar gáfur þínar til að verða drottnari allra dýra. Þú munt ráða yfir heiminum og lifa í 20 ár." Maðurinn svaraði: „Ég skal vera maður en að lifa í 20 ár er allt of stutt. Veittu mér að auki þau 30 ár sem asninn vildi ekki, árin 15 sem hundurinn vildi ekki og árin 10 sem apinn vildi ekki." - Og guð samþykkti það. Æ, síðan lifir maðurinn í 20 ár eins og maður. Þá giftir hann sig og eyðir 30 árum eins og asni, þ.e. vinnur baki brotnu  frá sólarupprás til sólarlags og ber þungar byrðar. Þegar börnin eru flutt að heiman lifir hann eins og hundur og gætir hússins og borðar allt sem honum er rétt. Og eftir að hann sest í helgan stein lifir hann eins og api síðustu 10 árin, fer hús úr húsi og gerir ýmsar kúnstir til að skemmta barnabörnunum.      

Af þvaglátum karla

Hér koma 20 tegundir karla sem þú finnur á karlaklósettinu… SKAPBRÁÐUR: Hefur farið í nærbuxurnar öfugar, finnur ekki klaufina - rífur buxurnar...  FÉLAGSLYNDUR: Pissar með vinum sínum hvort sem honum er mál eða ekki...  RANGEYGÐUR: Horfir til hinnar skálarinnar til að sjá hvernig hinn náunginn er útbúinn...  HLÉDRÆGUR: Getur ekki ef annar er að horfa, skolar niður og kemur aftur seinna...  KÆRULAUS: Allar skálar uppteknar pissar í vaskinn...  SNIÐUGUR: Heldur ekkert um tólið, lagar bindið, horfir í kringum sig, pissar venjulega á gólfið...   ÁHYGGJUFULLUR: Er ekki viss um hvar hann hefur verið undanfarið, gerir skyndikönnun...   MONTINN: Beinir bununni á móti straumnum, þvers og kruss um skálina, reynir að hitta flugu...   UTAN VIÐ SIG: Hneppir frá vestinu, tekur út bindið, pissar í buxurnar...  BARNALEGUR: Bunar beint í botn skálarinnar finnst gaman að sjá freyða...  LAUMULEGUR: Prumpar hljóðlega á meðan hann pissar, lítur sakleysislega út, veit að náunganum við næstu skál verður kennt um...  ÞOLINMÓÐUR: Stendur lengi kyrr og bíður, les blað með lausu hendinni...   BRÁÐLÁTUR: Bíður í langri röð, gnístir tönnum, pissar í buxurnar...  KALDUR KALL: Slær tólinu í skálarbarmana til að hrista af því...  HAGSÝNN: Bíður þar til hann þarf að gera meira, sameinar hvoru tveggja...  FEITUR: Bakkar frá skálinni, bunar í blindni, hittir ofan á skóinn...  LÍTILL: Stendur upp á kassa, dettur í skálina og drukknar...  FULLUR: Tekur um  vinstri þumalfingur á hægri hendi, pissar í buxurnar...  ÓÞOLINMÓÐUR: Stendur augnablik, gefst upp, gengur í burt...  HÉGÓMLEGUR: Heldur öllum 5 sentimetrunum eins og sleggjuskafti, reigir sig...      

Konur yfir fertugt

 Eftir því sem ég eldist, met ég mest konur yfir fertugt og hér eru nokkrar ástæður fyrir því: Kona yfir fertugt mun ekki vekja þig um miðja nótt og spyrja þig „hvað ertu að hugsa?“ -Henni gæti ekki verið meira sama. Ef kona yfir fertugt vill ekki horfa á leikinn með þér vælir hún ekki yfir því. -Hún gerir eitthvað sem hana langar til og yfirleitt er það áhugaverðara en leikurinn. Konur yfir 40 eru virðulegar í framkomu. Þær fara sjaldan í öskurkeppni við þig í óperunni eða á fínum veitingastað. - Nema þú eigir það skilið, en þá hika þær ekki við að skjóta þig ef þær halda að þær komist upp með það. Eldri konur eru örlátar á hrós, oft óverðskuldað. - Þær þekkja hvað það er að vera ekki metin að verðleikum. Konur verða skyggnar með aldrinum. > -Þú þarft aldrei að viðurkenna misbresti þína fyrir þeim. Þegar þú getur litið framhjá einni eða tveimur hrukkum er kona yfir 40 langtum kynþokkafyllri en yngri kynsystur hennar. Eldri konur eru hreinar og beinar. -Þær segja þér eins og skot að þú sért asni ef þú hagar þér sem slíkur.Þú þarft aldrei að fara í grafgötur með hvar þú hefur þær. Já, við dásömum konur yfir fertugt af mörgum ástæðum. Því miður er það ekki gagnkvæmt. Því fyrir hverja glæsilega, smarta og vel greidda konu yfir fertugt, - er sköllóttur, vambmikill forngripur í gulum buxum gerandi sig að fífli fyrir 22gja ára gengilbeinu. Konur, ég biðst afsökunar. Til allra þeirra karla sem segja; „Afhverju að kaupa kúna þegar þú getur fengið mjólkina frítt?“ þá eru hér nýjar upplýsingar: Nú á tímum eru 80% kvenna á móti giftingum. Hvers vegna? Vegna þess að konur gera sér grein fyrir að það borgar sig ekki að kaupa heilt svín þótt þær langi í smá pylsu! (Andy Rooney)

Ertu eitthvað að skána

Ung stúlka, nýútskrifuð sem sjúkraþjálfari var í heimsókn hjá vinkonu sinni hér í Vestmannaeyjum í sumar. Vinkonurnar eru báðar áhugasamir golfleikarar og ákváðu að spila nokkrar holur á  golfvellinum. Þegar sjúkraþjálfarinn slær af tí-inu, þá geigaði höggið all hressilega. Kúlan stefndi beint á fjóra menn sem voru að spila á næstu flöt   Kúlan lenti í einum mannanna og hann hrundi samstundis niður og veltist um af kvölum, með báðar hendur í klofinu á sér. Konan þusti til mannsins og byrjaði strax felmtri slegin að biðjast afsökunar á þessu slysaskoti.   „Leyfðu mér að hjálpa þér, ég er sjúkraþjálfari og ég get örugglega minnkað verkinn eitthvað", sagði hún við manninn.   „Nei, nei", segir maðurinn, „Ég hlýt að jafna mig á nokkrum mínútum", en áfram lá maðurinn þó á jörðinni í fósturstellingu, með báðar hendurnar í klofinu, greinilega mjög þjáður.   En stúlkan var ákveðin og að lokum leyfði maðurinn henni að hjálpa sér. Hún snéri manninum varlega á bakið og tók svo blíðlega í hendur hans og lagði þær með síðunum. Svo byrjaði hún að losa um beltið á buxunum hans og smeygði annari hendinni inn fyrir buxnastrenginn. Hún þreifaði rólega í kringum kynfæri mannsins og tók svo ofurlétt um punginn og nuddaði hann varlega. Maðurinn lygndi aftur augunum og stundi.   Eftir dágóða stund spurði hún: „Hvernig líður þér, ertu eitthvað að skána?   Maðurinn opnaði augun og sagði: „Þetta er alveg rosalega gott.... en golfkúlan fór í þumalinn og ég held að hann sé brotinn".      

Nytsemi kýrinnar

Kýrin er húsdýr, en hana má líka finna fyrir utan húsið. Og hún býr oftast í sveitinni en kemur líka inn í bæinn, en bara þegar hún á að deyja. En það ákveður hún e...kki sjálf. Kýrin hefur sjö hliðar, efri hliðina, neðri hliðina, fremri hliðina, aftari hliðina, eina hliðina, hina hliðina og innri hliðina. Á framhliðinni er höfuðið og það er til þess að það sé hægt að festa hornin einhvers staðar.
Hornin eru gerð úr horni og þau eru bara skraut. Þau geta ekki hreyft sig en það geta eyrun. Þau eru við hliðina á hornunum. Kýrin hefur tvö göt framan á höfðinu. Þau heita kýr-augu. Á afturhliðinni er halinn. Hún notar hann til þess að reka í burtu flugur svo að þær detti ekki í mjólkina og drukkni. Á efri hliðinni og einni hliðinni og hinni hliðinni er bara hár. Það heitir kýr-hár og er alveg eins á litinn og kýrin. Neðsta hliðin er mikilvægust því að þar hangir mjólkin. Og þegar mjólkurkonan oppnar kranana þá rennur mjólkin út. Þegar það er þrumuveður, verður mjólkin súr, en ég er ekki ennþá búin að læra hvernig það gerist. Beinin í kúnni heita kú-bein. Það er líka hægt að nota þau til að draga út nagla. Kýrin borðar ekki svo mikið, en þegar hún gerir það borðar hún alltaf tvisvar. Þegar kúnni er illt í maganum gerir hún ost. Það eru göt í osti. En ég er ekki búin að læra ennþá hvernig hún gerir götin. Kýrin er með gott lyktarskyn. Við getum fundið lyktina af henni langar leiðir. Hvolpar kýrinnar heita kálfar. Pabbi kálfanna heitir naut og það heitir maður kýrinnar líka. Nautið gefur okkur ekki mjólk og þess vegna er hann ekki spendýr. Þegar kúnni er slátrað, hella menn mjólkinni í fernur sem maður kaupir í búðinni. Fæturnir fjórir eru sendir til smiðsins. Það heitir endurvinnsla. Eins og þið sjáið er kýrin nytsamt dýr. Og þess vegna finnst mér mjög vænt um kýrnar. Athugasemd kennarans: Ég hef aldrei lesið neitt þessu líkt.  

Maðurinn á barnum

Maður sem greinilega leið ekki vel var staddur  á bar. Hann sat við borð og starði á glasið sitt, þegar stór og mikill svoli, leðurjakkagæi, merktum alræmdum mótorhjólaklúbbi, kemur inn á barinn, gengur beint að  manninum, grípur glasið hans og sýpur úr því í einum teig.„Og hvað ætlar þú að gera í þessu“  segir leðurjakkagæinn ógnandi, en  maðurinn brestur í grát.„Svona nú“ segir leðurjakkagæinn, „ég þoli ekki menn eins og þig sem væla, út af smáhlutum.“„Þetta er versti dagur sem ég hef upplifað“ segir maðurinn við borðið. 
„Ég er algjörlega misheppnað eintak“. „Ég var of seinn á fund í vinnunni og var rekinn vegna þess“. „Þegar ég kom út á bílaplanið og ætlaði að fara heim, komst ég að því að bílnum mínum hafði verið stolið og ég var ótryggður gagnvart því.“ „Ég tók leigubíl heim og gleymdi veskinu mínu í honum og ég veit ekkert hvaða leigubíll þetta var“. „Þegar ég kom heim, þá var konan með annan mann í rúminu og þá lenti ég í slagsmálum við hann.“ „Í þeim látum beit hundurinn minn mig og þar var verst að hann, besti vinur minn, skyldi gera mér þetta“.„Svo ég fór hingað á barinn til að herða upp hugann og binda endir á þetta vesældarlíf.“„Ég keypti mér drykk, setti í hann eiturpillu og var að horfa á pilluna leysast upp, þegar þú komst og drakkst þennan eiturdrykk frá mér“.…En þetta er nóg af mínum hrakförum, hvernig hefur dagurinn verið hjá þér ……..

Lögfræðingur á rjúpnaveiðum

Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð fyrir frá sveitabæ. Hann var búinn að veiða nokkrar rjúpur og var að endað við að skjóta eina í viðbót og er að sækja hana er bóndi kemur að honum. Þeir heilsast og tala saman en eftir það segist bóndinn nú eiga þessa rjúpu. Það samþykkir lögfræðingurinn ekki og segist þekkja sinn rétt og hann hafi skotið hana og því eigi hann rjúpuna. Þá spyr bóndinn hvort að þeir eigi bara ekki að útkljá þetta með þriggja sparka reglunni, sem að er algengt hér í Borgarfirðinum.
 Lögfræðingurinn verður þá svolítið forvitinn og vill fá að vita meira. Bóndinn segir honum að fyrst sparki hann í lögfræðinginn þrisvar og síðan sparki lögfræðingurinn í hann þrisvar og svona gengur það þangað til að annar gefst upp. Lögfræðingurinn samþykkir það og segir bóndanum að sparka. Bóndinn byrjar að sparka í magann á honum og hnígur hann niður við það, næst sparkar hann í sköflunginn á honum, og er lögfræðingurinn orðinn svolítð sár en tekur samt við þriðja sparkinu sem að er mjög fast í punginn. Eftir að lögfræðingurinn er búinn að jafna sig segir hann: “Jæja nú er komið að mér” og býr sig til að sparka. Þá heyrist í bóndanum: “Nei, mér er andskotans sama um eina rjúpu,þú mátt bara eiga hana”. Svo er hér einn stuttur lögfræðingabrandari:Það var lögfræðingur að ganga niður Laugaveginn í Reykjavík fyrir nokkrum dögum. Hann var með báðar hendur -  í eigin vösum.

Nunnan og leigubílstjórinn

NUNNA steig upp í leigubíl á laugardagskvöldi. Á leiðinni tók  hún eftir því að leigubílstjórinn, sem var  myndarlegur miðaldra maður, var stanslaust að horfa á hana. Hún spyr hann af hverju hann stari svona.  Leigubílstjórinn  svarar: „Sko, mig langar svo að spyrja þig að einu, en ég er svo hræddur um að þú verðir reið."  Hún svarar: „Sonur minn, ég verð ekki reið. Þegar maður er orðinn svona gamall og hefur verið nunna í svo langan tíma, sér maður og heyrir ótrúlegustu hluti. Ég er viss um að ég reiðist ekki." „Ja, mig hefur alltaf dreymt um að fá að kyssa nunnu." sagði leigubílstjórinin.
Nunnan svarar:  „Hmm, sjáum til hvað við getum gert í því.  En það eru tvö skilyrði:  Þú þarft að vera einhleypur og kaþólskur." Leigubílstjórinng varð mjög spenntur og sagði:  „Já, ég er einhleypur og kaþólskur."  „Ókei", segir nunnan, „ stoppaðu bílinn á næsta stæði." Nunnan uppfyllti  draum leigubílstjórans með kossi, sem var betri en nokkur annar sem leigubílstjórinn hafði  upplifað.  En þegar bíllinn var kominn aftur af stað byrjaði leigubílstjórinn að gráta af samviskubiti.  „Elsku barnið mitt," segir nunnan, „því ertu að gráta?"   „Fyrirgefðu mér nunna góð, en ég hef syndgað.  Ég laug og verð að játa að ég er bæði giftur og lúterskur."  sagði leigubílstjórinn.Nunnan segir:  „Það er ekkert mál.  Ég heiti Hjalti og er að fara í grímuball."

Veikleiki holdsins

Gamall ítalskur maður sem bjó útjaðri Rimini á Ítalíu fyrir nokkrum árum, fór til næstu kirkju til skrifta. Maðurinn sagði: „Faðir … í síðari heimsstyrjöldinni kom falleg gyðingastúlka til okkar bankaði á hurðina og bað mig að fela sig frá nasistum. Þannig að ég faldi hana uppi á háalofti.“„Þetta var dásamlegur hlutur sem þú gerðir og engin þörf að játa það.“, svaraði presturinn.
„Það er meira sem ég þarf að segja faðir … hún byrjaði að endurgreiða mér í blíðu og greiddi hún mér nokkrum sinnum í viku og stundum tvisvar á sunnudögum.”„Þetta er langt síðan og það sem þú gerðir, setti ykkur í mikla hættu, en tveir einstaklingar undir þessum aðstæðum getur auðveldlega kallað á veikleika holdsins, sagði presturinnj. „Hins vegar, ef þú ert sannarlega miður þín vegna þessa er þér örugglega fyrirgefið.“„Þakka þér, faðir. Þetta hefur legið þungt á huga mínum. Ég hef þó eina spurningu í viðbót.”„Og hvað er það?”„Ætti ég að segja henni að stríðið er búið?”  Svo er hérna einn stuttur:Stína litla var með belju í taumi, þegar hún mætti prestinum. Presturinn stoppaði hana og spurði; hvert ertu að fara Kristín litla. Ég er fara með þessa belju til leiða hana undir nautið, svaraði Kristín og brosti sakleysislega til prestsins. Hefði ekki verið heppilegra að hann faðir þinn sæi um þetta, spurði presturinn og gerðist all strangur á svipinn.Nei prestur minn, svaraði Kristín, það verður að vera naut.

Myndasafnið >>

Öldudufl við Landeyjahöfn

Öldudufl við Landeyjahöfn

Á léttu nótunum >> Mest lesið

Stjórnmál >>

Elliði Vignisson: Enn er alltof snemmt að fullyrða að við náum saman með ríkinu

Í gær funduðum fulltrúar Vestmannaeyjabæjar með ríkinu, en yfir standa viðræður um að Vestmannaeyjabær taki yfir rekstri Herjólfs. Elliði Vignisson bæjarstjóri sagði í samtali við Eyjafréttir að að enn einn fundurinn hafi verið í gær til þess að nálgast enn frekar þau markmið að ná fram verulegri þjónustuaukningu með nýrri ferju og tryggja betur áhrif og sjónarmið heimamanna hvað rekstur hennar varðar.  „Þar kynntum við sjónarmið okkar sem fyrst og fremst felast í því að færast nær þvi markmiði að sjóleiðin milli Vestmannaeyja og Landeyjahafnar verði séð sem „þjóðvegur“ okkar Vestmannaeyinga og þeirra sem vilja sækja okkur heim. Þar með reynum við að nálgast þá sjálfsögðu kröfu okkar að þjónusta og verðlag verði nær því að þetta sé þjóðvegur en ekki valkvæð þjónusta. Þá leggjum við einnig þunga áherslu á að þjóðvegurinn verði „opinn“ eins og framast er unnt og taki mið af þörfu þjónustustigi hvað tíðni ferða varðar en ekki hámarksnýtingu á hverri ferð og mögulegri arðsemi rekstrarins. Í langan tíma hafa þessar samgöngur að okkar mati verið skammtaðar úr hnefa en það á ekki að vera lögmál. Með nýrri ferju og annarri nálgun á verkefnið eiga Vestmannaeyjar að verða samkeppnishæfari varðandi íbúaþróun, atvinnuuppbyggingu og atvinnurekstur fyrirtækja sem hér starfa,“ sagði Elliði   Það eru alltaf gagnrýnisraddir„Ég hef séð að á seinustu dögum hafa einhverjir gagnrýnt þessa tilraun Vestmannaeyjabæjar og það er svo sem fátt sem kemur á óvart hvað það varðar. Allt okrar tvímælis þá gert er og margir eru ætíð hræddir við breytingar. Þegar við seldum hlut okkar í Hitaveitu Suðurnesja voru margir sem sögðu að við ættum að eiga hlutinn og selja hann þegar hann væri orðinn verðmætari. Þegar við byggðum Eldheima gekk fólk um og uppnefndi húsið og sagði að það yrði aldrei annað en baggi á okkur og á því yrði aldri áhugi meðal feðramanna. Þegar við aldusskiptum grunnskólunum fullyrtu margir að þetta gæti aldei gengið. Þegar við buðum út reksturinn á Sóla og sömdum við Hjalla var það mikið gagnrýnt og mjög lengi má áfram telja. Þegar upp er staðið áttar fólk sig oft betur á forsendum og verður þá oftast nær mun ánægðara. Það sem þó hefur rekið mig í rogastans eru fullyrðingar um að þetta leiði til einhverrar mismununar þannig að bæjarfulltrúar gangi fyrir. Þeir sem slíkt fullyrða verða að skilja að bæjarfulltrúar njóta ekki neinna sér kjara á neinni þjónustu hjá Vestmannaeyjabæ. Þeir greiða fullt verð í sund, börn þeirra ganga ekki fyrir á leikskóla og götur við heimili þeirra eru ekki ruddar snjó fyrr en hjá öðrum. Á sama máta koma þeir til með að nota Herjólf og greiða fyrir sína þjónustu rétt eins og hver annar enda yrði Herjólfur almenningsþjónusta sem rekinn yrði eins og önnur þjónusta sveitarfélagsins með hagsmuni bæjarbúa að leiðarljósi,“ sagði Elliði.   Elliði sagði að hans mati væri það í raun fullkomið og algert ábyrgðarleysi að heykjast á því að takast á við þessa ábyrgð að gefnum ákveðnum forsendum.  „Hvenær gerðist það að Eyjamenn hættu að þora og vilja axla ábyrgð á eigin málum? Þannig þekki ég ekki okkar góða samfélag og þannig mun núverandi bæjarstjórn ekki nálgast þetta mál. Við sannarlega þorum og treystum okkar fólki til að axala ábyrgð.“   Fagfólk við samningaborðið „Fullyrðingar um að þetta verði fjárhagslegur baggi á okkur er líka dáldið einkennilegur, sérstaklega þegar engin, ekki einu sinni við sem stöndum í þessu, vitum enn um hvaða fjárhæð verður samið. Við höfum unnið með færustu sérfæðingum í gerð rekstrarmódels og samningagerð er á hendi lögmanna sem þekkja málið vel. Okkur eru síðan til ráðgjafar menn eins og Grímur Gíslason, Páll Guðmundsson og Lúðvík Bergvinsson sem allir hafa mikla og haldgóða þekkingu hvað varðar eðlil þessarar útgerðar og rekstri almennt. Það er því hvergi verið að kasta til höndunum og hagsmunum Vestmannaeyjabæjar verður ekki fórnað,“ sagði Elliði.   Elliði sagði að enn væri alltof snemmt að fullyrða að þau nái saman með ríkinu. „Það má öllum ljóst vera að við erum ekki að fara í þetta verkefni til að taka við því á þeim fosendum sem verið hefur seinustu ár. Við teljum að það þurfi langtum meiri þjónustu og ef ríkið vill nálgast þetta á þann máta með okkur þá erum við til í samstarf. Ef ekki næst saman þá væntanlega verður þetta boðið út og við höfum þá að minnsta kosti náð að koma okkar sjónarmiðum á framfæri og það leiðir þá ef til vill til þjónustu aukningar. Það væri því fráleitt að láta ekki reyna á þetta, jafnvel þótt það kosti mikla vinnu. Slíkt hræðist hvorki ég né aðrir sem að þessu koma“ sagði Elliði að lokum Meðfylgjandi er mynd sem Elliði tók á fundinum í dag. Á henni eru þeir Lúðvík Bergvinsson og Yngvi Jónsson frá okkur heimamönnum auk síðan fulltrúum frá ríkinu. Þeir Grímur og Páll sóttu fundinn í gegnum fjarfundarbúnað.  

Greinar >>

Elliði Vignisson: Það þarf kjark til að breyta

Nafn Gísla J. Johnsen er samtvinnað sögu Vestmannaeyja. Hann var hér fæddur 10. mars 1881. Með verslun sinni og útgerðarrekstri átti hann stóran þátt í að bæla niður þá einokun sem hafi legið sem mara á Eyjamönnum í mannsaldir. Það var þó bara byrjunin á ævintýranlegri uppbyggingu Gísla. Eins og allir sem þora að gára vatnið var Gísli umdeildur og oft reyndist honum erfitt að glíma við neikvæðni samfélagsins og óttann við breytingar. Árið 1899, þegar Gísli var einungis 18 ára hóf hann verslunarrekstur í grimmri samkeppni við einokunarverslun Brydes. Vegna ungs aldurs fór verslunin þó ekki yfir á hans nafn fyrr en árið 1902. Árið 1904 keypti verslun hans eða „firmað“ eins og það var þá kallað fyrsta mótorbátinn sem kom til Suðurlands. Þar með varð til grunnurinn að Vestmannaeyjum eins og við þekkjum þær í dag. Á fyrsta áratug aldarinnar fjölgaði íbúum í Eyjum úr 607 í 1492 eða um 885 manns. Á þessum árum var lögð sú undirstaða sem skapaði frumkvæði og forystu Vestmannaeyinga í útgerð og sjávarútvegi æ síðan. Gísli lét sig fleira varða en eingöngu verslun og viðskipti og var hann til að mynda einn af hvatamönnum þess að byggður var viti á Stórhöfða og framkvæmdi það verk fyrir landsstjórnina.   Árið 1907 stofnaði firmað vélaverkstaði hér í Eyjum og hóf meðal annars innflutning á frystivélum og ári síðar reisti það stórt frystihús sem einnig var hið fyrsta í sinni röð hér á landi. 1911 stofnaði hann talsímafélag í Eyjum og kom á símasambandi við land og stuttu seinna var, undir hans stjórn, hafist handa við byggingar á [gamla] spítalanum sem síðar varð ráðhús . Árið 1913 reisti firma Gísla fyrstu fiskimjölsversmiðju hér á landi. Því var svo fylgt eftir með lýsisbræðslu. 1920 byggði firmað fyrstu olíugeyma hér á landi sem varð til þess að vélvæðing landsins gekk hraðar fyrir sig og olíuverð lækkaði til muna. Afrekin eru mörg fleiri og nánast óhætt að fullyrða að saga Vestmannaeyja og jafnvel landsins alls hefði orðið önnur ef hans framsýni og hugrekkis hefði ekki notið við.   Fyrir fólk sem lifir í ólgu samtímans og finnst allar hugmyndir um breytingar og nýjungar mæta andbyr er ágætt að lesa vandlega þessi orð úr þjóðhátíðarblaði Vísis frá 17. Júní 1944: „En Gísli hefir oft og tíðum átt við ramman reip að draga, þegar hann vildi koma einhverjum nýjungum á framfæri. Almenningur allra tíma er þannig gerður, að hann veigrar sér við að stíga út af braut vanans og hræðist erfiðleika brautryðjendastarfsins og vill helzt alltaf standa á sama sjónarhól og hjakka í sama hjólfarinu frá ári til árs og öld til aldar. Það hvílir því á herðum frumkvöðlanna að koma nýjungunum i framkvæmd, en launin eru annað hvort þakkir almennings eða vanvirða sem oftar er“ Það verður alltaf til úrtölufólk. Verum samt óhrædd við breytingar og stígum af braut vanans. Í framtíðinni felast tækifæri ef við þorum að nýta þau.