Eyjafréttir

Borgþór Ásgeirsson var kjörinn formaður félagsins á árlegum aðalfundi sem var haldinn í gær, Borgþór sat sem varaformaður síðasta árið en hann tekur við af Sindra Ólafssyni. Leifur Jóhannesson var kjörinn varaformaður og sem meðstjórnendur voru þau kjörin: Margrét Rós Ingólfsdóttir, Helena Björk Þorsteinsdóttir, Gígja Óskarsdóttir, Hjalti Pálsson, Daði Ólafsson, Elín Sólborg Eyjólfsdóttir, Anna María Halldórsdóttir, Bragi Magnússon og Kristín Rannveig Jónsdóttir.

Dagana 20. janúar til 4. febrúar halda þingmenn Sjálfstæðisflokksins 40 opna fundi um land allt. Þar ræða þeir stjórnmálin í víðu samhengi, m.a. Icesave, sjávarútvegsmál, þjóðaratkvæðagreiðslu og skattamál.  Miðvikudaginn 20. janúar verður fundur í Ásgarði, Vestmannaeyjum með alþingismönnunum Unni Brá Konráðsdóttur og Guðlaugi Þór Þórðarsyni.

Í morgun hélt bæjarstjórn Vestmannaeyja fund sem frestað var í gærkvöldi. Frestunin kom til vegna skrifa Kristjáns L. Möllers, samgöngu- og sveitastjórnaráðherra en bréfið birtist hér á Eyjafréttum.is í gær. Meirihluti bæjarstjórnar Vestmannaeyja lagði fram ályktun þar sem lýst er undrun á framkomu ráðherra og að hann skuli með þeim hætti setja helstu hagsmuni Vestmannaeyja í farveg vantrausts og flokkspólitískra hagsmuna. Við afgreiðslu ályktunarinnar sat minnihlutinn hjá og harmaði í bókun að umræður um samgöngumál væru komin á þetta stig.  Talsverðar umræður spunnust eftir það en ályktun meirihlutans og bókun minnihlutans má lesa hér að neðan.

Ragnheiður Elín Árnadóttir, annar þingmaður Suðurkjördæmis og varaformaður þingflokks Sjálfstæðismanna, verður gestur morgunfundar Sjálfstæðismanna í Vestmannaeyjum.  Fundurinn fer fram í Ásgarði og hefst klukkan 11.00.  Fundirnir hafa til þessa verið afar vel sóttir og líklega mun þingmaðurinn þurfa svara spurningum um atburði síðustu daga er varða Icesave.