Svo virðist sem lið ÍBV í karlahandboltanum sé smátt og smátt að finna fjölina eftir erfiða byrjun í 1. deildinni. Eyjamenn voru óheppnir að tapa gegn Fram í 16 liða úrslitum bikarkeppninnar um síðustu helgi en bættu upp fyrir það í dag með góðum sigri á Aftureldingu. Lokatölur urðu 29:26 en staðan í hálfleik var 11:13. Kolbeinn Arnarson, markvörður ÍBV átti enn einn stórleikinn og varði 24 skot í leiknum.
Post Views: 4