Eyjafréttir

Auk Inga Vals eru í sveitinni þeir Viktor Ragnarsson, Þórarinn Ólason, Eyvindur Ingi Steinarsson og Helgi Víkingsson. Sveitin hefur áður gefið út eldri lög og gert ansi vinsæl, Jamaica, Dansað á dekki og Nú er gaman fengu mikla spilun en auk þess hefur sveitin átt vinsæl lög eins og Fallinn, Eitt augnablik og Langar samt í þig.

 

Hljómsveitarmeðlimir voru í miðjum upptökum þegar blaðamann bar að garði í Island Studios en þeir vildu alls ekki gefa upp hvaða lög þeir væru að endurvinna. „Það er bara eitthvað sem á eftir að koma skemmtilega á óvart,“ sagði Viktor Ragnarsson, bassaleikari.

 

„Við vitum að við erum ekkert að finna upp hjólið í þessu en við erum á heimavelli í þessu. Sigurrós er t.d. með sitt hlutverk á hreinu og við teljum okkur vera með okkar á hreinu. Það er ekkert allra að endurvinna lög eins og þetta og gera það vel en við teljum okkur hafa sýnt það að við kunnum þetta ágætlega. Svo er náttúrulega alveg ótrúlegt að vera með þessa aðstöðu hér í sínum heimabæ, eitt best hljóðver landsins í næsta húsi,“ bættu þeir félagar við.

 

Þess má svo geta að hægt er að nálgast öll lög með sveitinn á vefnum www.tonlist.is, fyrir þá sem vilja rifja upp sumarsmelli síðustu ára.