Eyjafréttir

 

Verið er að landa upp úr Ísleifi VE hjá Vinnslustöðinni en hann kom inn í morgun.  Í kjölfarið, í bókstaflegri merkingu, kom Kap VE og stuttu síðar Kap II Ve en öll skipin eru með fullfermi.  Huginn VE liggur einnig við bryggju og er að losa sig við afskurð en um leið verður losað um í frystigeymslu skipsins.  Hrognavinnsla fer fram um borð í Huginn en skipið heldur aftur út um leið og búið er að taka afskurðinn.

 

Haft er eftir Guðna I. Guðnasyni, útgerðarstjóra hjá Vinnslustöðinni á www.mbl.is að áhersla væri að koma Ísleifi og Kap sem fyrst á veiðar á ný.  Veðurútlit fyrir morgundaginn væri gott en útlit fyrir umhleypinga. Hægt væri að veiða allan sólarhringinn, en hærra hlutfall virtist vera af eftirsóttu kvensíli í afla sem fengist í björtu. Guðni sagði að góður þroski væri í hrognunum, sem væru fryst fyrir Japansmarkað.