Eyjafréttir

Í auglýsingunni segir orðrétt:

„Eyjamenn eru í toppbaráttu í fótbolta karla og kvenna. Vinnslustöðin í Vestmannaeyjum (VSV) leikur til sóknar í úrvalsdeild íslensks sjávarútvegs.“

 

„Traust fyrirtæki eru undirstöður byggðarlaga sinna og án blómlegrar byggðar fá fyrirtæki illa þrifist. Fólki hefur fjölgað í Eyjum og þar vantar fleiri vinnufúsar hendur á sama tíma og atvinnu skortir víða um land.  Vinnslustöðin er í hópi stærstu sjávarútvegsfyrirtækja landsins. Rekstrartekjur félagsins námu 8,8 milljörðum króna á árinu 2009. Reksturinn skilaði um 900 milljóna króna hagnaði,“ segir í auglýsingunni en þar er einnig sagt frá því að starfsmenn fyrirtækisins séu nú 280 talsins og hafi fjölgað um 50 á aðeins einu ári.

 

Um stöðurnar sem í boði eru segir: 

 

Sviðsstjóri bolfisks

Sviðsstjóri nýs bolfisksviðs ber ábyrgð á rekstri þess. Sviðið

velti 4 milljörðum króna árið 2009. Verkefni sviðsstjóra varða

m.a. yfirsýn og samræmingu veiða, vinnslu, markaðssetningar

og sölu afurða, áætlanagerð og ábyrgð á starfsmannamálum

sviðsins.

 

Sviðsstjóri uppsjávarfisks

Sviðsstjóri nýs uppsjávarsviðs ber ábyrgð á rekstri þess. Sviðið

velti 3,5 milljörðum króna árið 2009. Verkefni sviðsstjóra

varða m.a. yfirsýn og samræmingu veiða, vinnslu, markaðssetningar

og sölu afurða, áætlanagerð og ábyrgð á starfsmannamálum

sviðsins.

 

Rekstrarstjóri

Yfirmaður nýs rekstrarsviðs ber ábyrgð á tæplega 5 milljarða

króna rekstrarkostnaði VSV á ári. Hann sér um upplýsingatæknimál,

tæki, vélbúnað, uppbyggingu og viðhald fasteigna

og skipa, framkvæmdir, fjárfestingar, rekstur frystigeymslu

og starfsmannamál félagsins.

 

Sölumaður fersks og frosins bolfisks

Meginverkefnið er að annast sölu allra afurðaflokka bolfisksviðs,

gera söluáætlanir, greina þarfir markaðarins,

annast vörulýsingar og vinnsluleiðbeiningar, kynna viðskiptavinum

félagið og afurðir þess og gera sölusamninga.

 

Verkstjórar í fiskvinnslu

Meginverkefni varða m.a. ábyrgð á daglegri vinnslu í samráði

við vinnslustjóra og gæðaeftirlit.