Eyjafréttir

Í dag klukkan 14:00 leikur kvennalið ÍBV stærsta leik liðsins í áraraðir þegar liðið tekur á móti úrvalsdeildarliði Stjörnunnar í undanúrslitum bikarkeppninnar.  ÍBV leikur sem kunnugt er í 1. deild Íslandsmótsins en leikurinn fer fram á Hásteinsvellinum.  Í hinni viðureign undanúrslitanna mætast svo úrvalsdeildarliðin Valur og Þór/KA.

Það verður fróðlegt að sjá hvernig Eyjastúlkur koma til með að standa sig gegn úrvalsdeildarliðinu en Stjarnan er í 4. sæti úrvalsdeildarinnar.  ÍBV sló út annað úrvalsdeildarlið í síðustu umferð, Hauka, sem einmitt unnu Stjörnuna 1:0 í Íslandsmótinu.