Eyjafréttir

KFS vann góðan sigur á KFK í B-riðli 3. deildar á laugardaginn.  Heil tólf mörk voru skoruð í leiknum, þar af sjö í síðari hálfleik en lokatölur urðu 8:4 eftir að staðan í hálfleik hafði verið 3:2.  Hreint ótrúlegar lokatölur eftir 90 mínútna leik.  Stefán Björn Hauksson skoraði þrennu fyrir KFS, Einar Kristinn Kárason tvö og þeir Sæþór Jóhannesson, Anton Rafn Jónasson og Ingólfur Einisson eitt mark hver.

KFS skaust þar með aftur upp í annað sætið, tímabundið í það minnsta því Ægir frá Þorlákshöfn spilar á morgun gegn Þrótti Vogum á útivelli.  Sigur Ægismanna þýðir að þeir ná aftur 2. sætinu, jafntefli og tap þýðir að Eyjamenn halda sætinu mikilvæga yfir þjóðhátíð.