Eyjafréttir

KFS og Árborg leika síðari leik sinn í kvöld í úrslitakeppni 3. deildar karla.  Leikurinn fer fram á Selfossvelli klukkan 20:00 en Selfyssingar eru í nokkuð góðri stöðu eftir 0:2 sigur á Hásteinsvelli í fyrri leik liðanna.  Það þýðir að KFS þarf að skora þrjú mörk til að eiga möguleika á því að komast áfram.

Ef lokatölur verða 0:2 fyrir KFS verður gripið til framlengingar og svo vítaspyrnukeppni.  Ef lokatölur yrðu hins vegar 1:3 kæmist KFS áfram á fleiri mörkum skoruðum á útivelli.  Eyjamenn verða því að setja í sóknargírinn eftir frekar daufan leik á heimavelli.