Eyjafréttir

Nú er hafið handboltamót í kvennahandbolta í Eyjum en þar mætast ÍBV, Fram, HK og Haukar.  Fyrsti leikur mótsins var í gær þegar ÍBV tók á móti Fram en Eyjastúlkur leika á ný í úrvalsdeild næsta vetur.  Leiknum var skipt upp í tvo hálftíma leiki og höfðu Framarar mikla yfirburði í fyrri leiknum og unnu hann 8:19.  Seinni leikinn unnu Eyjastúlkur hins vegar 16:14.  Mótið heldur svo áfram í kvöld þegar ÍBV mætir Haukum klukkan 18:00.

HK og Fram eigast svo við rúmlega átta í kvöld og á morgun, laugardag, spilar ÍBV á móti HK klukkan 10:00, Fram á móti Haukum klukkan 11:30 og  Haukar og HK mætast svo klukkan 15:00.  Um kvöldið verður svo væntanlega mikið fjör enda stórdansleikur með Ingó og Veðurguðunum og munu leikmenn sameinast þar í dansi fram á nótt.