Eyjafréttir

Margrét Lára Viðarsdóttir virðist vera að ná sér af þeim meiðslum sem voru að stríða henni síðustu vikur.  Margrét lék í gærkvöldi með liði sínu, Kristianstad gegn Malmö í sænsku úrvalsdeildinni.  Leikurinn endaði með 5:3 sigri Malmö en Magrét Lára skoraði fyrsta mark leiksins en Kristianstad kom mjög á óvart með því að komast í 3:1 í fyrri hálfleik.

Malmö tók hins vegar leikinn í sínar hendur í seinni hálfleik, bætti við fjórum mörkum og tryggði sér sigurinn.  Margrét Lára lék í 80 mínútur í leiknum.