Eyjafréttir

Systurnar Margrét Lára og Elísa Viðarsdætur eru saman í byrjunarliði íslenska landsliðsins í knattspyrnu, sem leikur gegn Kína klukkan 15:30 í dag.  Þetta er síðasti leikur íslenska liðsins í riðlakeppni Algarve Cup en liðið tapaði fyrir Þýskalandi og Svíþjóð í fyrstu tveimur leikjum sínum.  Elísa kom inn á sem varamaður í báðum leikjunum en Margrét Lára lék allan leikinn gegn Þýskalandi og hvíldi svo gegn Svíum.

Þetta er því þriðji landsleikur Elísu en Margrét Lára hefur leikið mun fleiri eða 78 talsins.

 

Byrjunarlið Íslands:

Markvörður: Þóra B. Helgadóttir.

 

Vörn (frá vinstri): Hallbera Guðný Gísladóttir, Katrín Jónsdóttir, Elísa Viðarsdóttir og Rakel Hönnudóttir.

 

Miðja (frá vinstri): Greta Mjöll Samúelsdóttir, Sara Björk Gunnarsdóttir, Guðný Björk Óðinsdóttir og Dóra María Lárusdóttir.

 

Sókn: Margrét Lára Viðarsdóttir og Hólmfríður Magnúsdóttir.