Eyjafrettir.is

Markaveisla � leik �BV og �A

Sat, 04 Feb 2012 16:25:00 +0000

Knattspyrnulið ÍBV sótti ÍA heim upp á Akranes í dag en liðin léku þar um fimmta sætið í Fótbolti.net mótinu. Eyjamenn byrjuðu mjög vel í leiknum, komust í 0:3 en þá kom upp kæruleysi í leik ÍBV sem varð til þess að Skagamenn unnu sig inn í leikinn og lokatölur urðu 5:5 í ótrúlegum markaleik. Tveir danskir leikmenn voru til reynslu, Kenneth Stenild Nielsen, markvörður og Christian Olsen, sóknarmaður, sem skoraði tvö mörk í leiknum.

Sl�mt tap hj� str�kunum � dag

Sat, 04 Feb 2012 16:15:00 +0000

Svo virðist sem karlalið ÍBV sé að missa af efsta sætinu í 1. deild en strákarnir sóttu í dag Selfoss heim. Eftir að hafa verið þremur mörkum yfir í hálfeik, 7:10, voru það heimamenn í Selfossi sem voru sterkari í síðari hálfleik og fögnuðu eins marks sigri, 21:20. Þegar átta umferðir eru eftir, eru Eyjamenn í þriðja sæti deildarinnar með 14 stig, sex stigum á eftir toppliði ÍR.

Herslumuninn vantar enn

Sat, 04 Feb 2012 14:52:00 +0000

Valur fór með sigur af hólmi í Eyjum í dag þegar liðið sótti ÍBV heim í N1 deild kvenna. Lokatölur urðu 32:39 eftir að staðan í hálfleik hafði verið 18:21. Munurinn í leikslok gefur þó ekki rétta mynd af gangi leiksins því Eyjastúlkur veittu Íslandsmeisturunum verðuga keppni en vantaði herslumuninn til að jafna metin.

Seinni fer� Herj�lfs fellur ni�ur

Sat, 04 Feb 2012 14:48:00 +0000

Því miður neyðumst við til þess að fella niður seinni ferð laugardag vegna slæmrar veður- og ölduspá. Nú gerir spáin ráð fyrir 28 m/s vindhraða og 6 metra ölduhæð. Mun betra útlit er fyrir sunnudag og er gert ráð fyrir því að Herjólfur sigli samkvæmt áætlun þá. Farþegar eru vinsamlega beðnir að fylgjast með fréttum á herjolfur.is, facebook síðu Herjólfs og síðu 415 í Textavarpi.

�vissa me� seinni fer� Herj�lfs � dag

Sat, 04 Feb 2012 12:03:00 +0000

Því miður hefur spáin aftur versnað og því er óvissa með seinni ferð dagsins. Búist er við 28 m/s vindhraða og 6 metra ölduhæð. Við hvetjum farþega okkar til að fylgjast með fréttum af veðri og á vefsíðum okkar. Næstu upplýsingar verða gefnar út kl 13.

St�rleikur � Eyjum � dag

Sat, 04 Feb 2012 07:08:00 +0000

Kvennalið ÍBV tekur í dag, klukkan 13:00 á móti Íslandsmeisturum Vals í Eyjum. Valsarar hafa verið í nokkrum sérflokki í N1 deildinni í vetur ásamt Fram en Eyjastúlkur hafa verið að sækja í sig veðrið og gætu mögulega veitt Valsstúlkum verðuga keppni í dag.

R�ttindalaus, undir �hrifum og me� eiturlyf � b�lnum

Fri, 03 Feb 2012 17:35:00 +0000

Lögreglan í Vestmannaeyjum hefur eftirlit með komufarþegum Herjólfs í Vestmannaeyjum. Við reglubundið eftirlit í dag, voru höfð afskipti af ökumanni bifreiðar sem var að koma með skipinu. Í ljós kom að ökumaðurinn var sviptur ökuleyfi. Fíkniefnahundurinn Luna var látinn leita í bifreiðinni og fann hundurinn 150 til 200 grömm af maríjúana. Þá reyndist ökumaðurinn, sem er 21 árs, einnig vera undir áhrifum fíkniefna.

�rslitaleikur � sn�ker � kv�ld

Fri, 03 Feb 2012 15:56:00 +0000

Í kvöld klukkan 19:30 hefst úrslitaleikur Olísmótsins í snóker. Í Olísmótinu mætast sveitir Akóges, Oddfellow og Kiwanis og stigahæsta sveitin ber sigur úr býtum. Í ár urðu Akógesmenn sigurvegarar en það aðeins í annað sinn sem aðrir en Kiwanismenn fagna sigri í mótinu frá upphafi og í bæði skiptin voru það Akógesmenn sem náðu þeim merka áfanga. Samhliða sveitakeppninni er svo einstaklingsmót þar sem þrír stigahæstu einstaklingarnir mætast.

L�gfr��ingabrandari

Fri, 03 Feb 2012 14:44:00 +0000

Vel klæddur lögfræðingur fór inn á bar og pantaði martini og sá að við hliðina á honum sat róni sem muldraði og glápti á eitthvað í hendinni á sér. Lögfræðingurinn hallaði sér lengra að honum og heyrði að róninn sagði: „ þetta lítur út eins og plast“, síðan rúllaði hann því á milli fingranna á sér og sagði síðan „en þetta er eins og gúmmí viðkomu“. Lögfræðingurinn spurði forvitinn: „hvað ertu með þarna manni“. Róninn sagði, „Ég hef ekki hugmynd en það lítur út eins og plast en er eins og gúmmí viðkomu“.

Tveir danskir leikmenn til reynslu hj� �BV

Fri, 03 Feb 2012 13:21:00 +0000

Tveir danskir leikmenn verða til reynslu hjá ÍBV um helgina en þetta eru þeir Kenneth Stenild Nielsen, markvörður og Christian Olsen, sóknarmaður. Nielsen var um tíma til reynslu hjá ensku stórliðunum Arsenal og Manchester United og hefur spilað með öllum yngri landsliðum Danmerkur en varnarmaður ÍBV, hinn danski Rasmus Christiansen mælir sérstaklega með honum. Olsen þykir eldfljótur og fékk m.a. viðurnefnið Speedy. Nánari upplýsingar um leikmennina má sjá hér að neðan.

Landeyjarh�fn, sta�an

Fri, 03 Feb 2012 13:00:00 +0000

Mikil umfjöllun um Landeyjarhöfn að undanförnu í Eyjamiðlum, en mig langar að byrja á að þakka Gísla Jónassyni og Sigmund Jóhannessyni fyrir þeirra framlög í síðustu Fréttum. Gísli er reyndar með sömu grein eða svipaða og hann hefur skrifað frá því löngu áður en framkvæmdir við Landeyjarhöfn hófust, en Gísli, eins og svo margir þessir svo kölluðu úrtölumenn, hafa einfaldlega bara haft rétt fyrir sér í einu og öllu.

Siggi Sigurj�ns � lei�inni til Eyja me� Afann

Fri, 03 Feb 2012 12:42:00 +0000

Grín einleikurinn Afinn, með Sigga Sigurjóns í aðalhlutverki, verður sýndur í Höllinni laugardaginn 11. febrúar. Afinn hefur notið mikilla vinsælda hér á landi og hefur auk þess verður settur upp í Þýskalandi. Forsala miða er hafin í Axel Ó. en miðar verða einnig seldir við innganginn á sýningardegi. Þá ætlar Einsi Kaldi að bjóða upp á leikhúsmatseðil eins og honum er einum lagið.

�rkoma � jan�ar aldrei m�lst meiri fr� upphafi m�linga

Fri, 03 Feb 2012 08:00:00 +0000

Úrkoma á Stórhöfða í Vestmannaeyjum mældist 314,4 mm. í janúar. Þar hefur verið mælt samfellt frá 1921 og hefur aldrei mælst meiri úrkoma í janúar en nú. Áður var mælt í kaupstaðnum frá 1881 og þar mældist heldur aldrei meiri úrkoma í janúar en nú. Endanlegt uppgjör liggur ekki fyrir á fleiri veðurstöðvum en svo virðist sem ekki hafi heldur mælst meiri úrkoma Í Vík í Mýrdal í janúar í ár síðan 1950.

Hanna Birna opnar bl�ma�verslun vi� B�rust�g

Fri, 03 Feb 2012 07:59:00 +0000

Hanna Birna Jóhannsdóttir hefur opnað blómabúð, þar sem Blómaskerið var áður til húsa við Bárustíg 11 en verslunin hefur fengið nafnið Blómabúð Hönnu. Hanna hefur um áratugaskeið verið viðloðandi blómaskreytingar og starfaði m.a. lengi með Imbu Johnsen, í blómaverslun hennar.

Hjallastefnan velkomin til Eyja,......en?

Thu, 02 Feb 2012 22:06:00 +0000

Stýrihópur vegna útboðs á rekstri leikskólans Sóla og fræðslu- og menningarráð Vestmannaeyjabæjar hafa mælt með því að tilboði Hjallastefnunar í rekstur leikskólans verði tekið. Það er gott og blessað. Það tilboð var lægst og kannski eðlilegt að því skuli tekið. En fleira hangir á spýtunni. Hvar verður yfirstjórn leikskólans og þá væntanlega hæstu launin greidd. Útsvar af þeim launum, sem stjórna verður væntanlega ekki greitt til Vestmannaeyjabæjar. - Við hvaða birgja verður verslað. Verða það birgjar í Vestmannaeyjum eða eru öll innkaup allra Hjallastefnuleikskólanna hjá sama birgja, sem ekki eru í Vestmannnaeyjum. Ég þekki það úr mínum eigin rekstri; þegar Húsey varð að Húsasmiðjunni, Tanginn varð að Kaupfélagi Árnesinga og síðar Kaupási, og þegar Herjólfur hf. varð Samskip og síðar Eimskip. Þá fundu birgjar í Vestmannaeyjum fyrir miklum breytingum, - viðskipti þessara aðila við þá hurfu að mestu.

Yfirleitt logn � St�rh�f�a a� undanf�rnu

Thu, 02 Feb 2012 15:16:00 +0000

Þeir sem leggja við hlustir þegar útvarpað er frá Veðurstofu Íslands kl. 10.10 á morgnana, hafa tekið eftir því að nú að undanförnu hefur yfirleitt verið logn á Stórhöfða. - Ekki þar fyrir að oft er jú logn á Stórhöfða , - en þegar rokhvasst er í Vestmannaeyjabæ, en logn á Stórhöfða, - er eitthvað skrítið að gerast. Óskar Sigurðsson í Stórhöfðavitanum, þar sem veðrið er tekið, sagði að á þessu væri einföld skýring: Sjálfvirki vindmælirinn er bilaður og hefur verið lengi, hann sendi því þau skilaboð til Veðurstofunnar að logn sé á Stórhöfða.

�llu starfsf�lki sagt upp

Thu, 02 Feb 2012 14:37:00 +0000

„Þar sem núgildandi samningur milli Eimskips og Vegagerðarinnar um rekstur Herjófls rennur út 30. apríl næskomandi neyðumst við til að segja upp öllum samningum sem Eimskip hefur gert varðandi Herjólf og afgreiðslur hans,“ sagði Gunnlaugur Grettisson, rekstrarstjóri Herjólfs í Vestmannaeyjum. Í allt nær þetta til um 40 starfsmanna.

Erfitt a� ganga framhj� Bubba

Thu, 02 Feb 2012 08:49:00 +0000

„Dagskrá þjóðhátíðar skiptir máli og er í stöðugri endurskoðun. Því var lengi vel haldið fram að hún skipti ekki máli. Ég er því algjörlega ósammála. Við vöndum til við dagskrá og teljum að þjóðhátíð eigi að standa upp úr sem fjölskylduskemmtun,“ sagði Páll Scheving Ingvarsson, formaður þjóhátíðarnefndar, þegar hann spurður um hvort fyrirhugaðar væru breytingar á dagskrá þjóðhátíðar.

Eyjakv�ld � kv�ld

Thu, 02 Feb 2012 07:00:00 +0000

Eyjakvöld verður haldið á Kaffi Kró í kvöld, fimmtudag. Séstakur gestur verður Stella Hauks og frumflutt verður nýtt efni. Einnig verður sagt nánar frá fyrirhugaðri Færeyjarferð en nær uppselt er í ferðina. Eyjakvöld með Blítt og létt hópnum er ósvikin skemmtun.

Eyjamenn g�tu lagt upp undir n�u milljar�a til �j��arb�sins � lo�nu

Wed, 01 Feb 2012 16:34:00 +0000

Steingrímur J. Sigfússon, sjávarútvegsráðherra, hefur ákveðið aflamark í loðnu í samráði við Hafrannsóknastofnunina sem lagði til að heildaraflamark á vertíðinni verði 765 þúsund tonn. Er það 33 þúsund tonnum umfram þær spár sem lágu til grundvallar bráðabirgðaaflamarki. Hlutdeild Vestmannaeyinga er tæp 170 þúsund tonn sem gæti skilað allt að 10 milljarða verðmæti. Stefnir í að þetta verði stærsta loðnuvertíð í ein tíu ár.

Gengi� til samninga vi� Hjallastefnuna ehf

Wed, 01 Feb 2012 09:16:00 +0000

Á fundi Fræðslu- og menningarráðs í gær var tekin fyrir ályktun stýrihóps vegna útboðs á rekstri leikskólans Sóla. „Eftir að hafa metið tilboðin sem bárust hefur stýrihópur komist að eftirfarandi niðurstöðu: Af þeim þremur tilboðum sem bárust vegna útboðs rekstrar leikskólans Sóla voru tvö sem uppfylltu öll skilyrði sem sett voru í útboðsforsendum. Stýrihópurinn mælir með að gengið verði til samninga við lægstbjóðanda sem er Hjallastefnan ehf,“ segir í ályktun stýrihópsins.

Eyjamenn sn�ggir a� hala inn fyrir Landeyjah�fn og n�rri ferju

Wed, 01 Feb 2012 08:33:00 +0000

Gjaldeyristekjur sem Vestmannaeyingar skapa á tíu vikna loðnuvertíð stefna í að verða álíka miklar og kostnaður við bæði Landeyjahöfn og nýjan Herjólf. Skip Vinnslustöðvarinnar, Sighvatur Bjarnason, sést á myndum Gísla Óskarssonar, sem sýndar voru í fréttum Stöðvar 2, sigla inn til Vestmannaeyja síðastliðið laugardagskvöld með tólfhundruð tonn af loðnu en skipið er síðan aftur væntanlegt í nótt með annað eins.

�huga a� flytja �t sorp

Wed, 01 Feb 2012 08:14:00 +0000

Vestmannaeyjabær íhugar að flytja sorp til útlanda, til brennslu. Að óbreyttu verða sorpbrennslustöðvar í Eyjum og á Kirkjubæjarklaustri ólöglegar um næstu áramót. Umhverfisráðherra vill fella úr gildi undanþágur eldri sorpbrennslustöðva.

Herj�lfi seinkar vegna ve�urs

Tue, 31 Jan 2012 13:29:00 +0000

Herjólfi seinkar í dag vegna veðurs en von er á skipinu til Eyja klukkan 15:30. Áætlaður brottfarartími í síðari ferð skipsins í dag frá Eyjum er klukkan 16:00 en samkvæmt áætlun frá Þorlákshöfn, klukkan 19:15. Farþegar eiga að mæta 30 mínútum fyrir brottför en hægt er að fylgjast með staðsetningu skipsins hér að neðan.

Vetrarh�t�� Vestmannaeyja � H�llinni 17. mars

Tue, 31 Jan 2012 08:21:00 +0000

Vinsælasti söngvari og poppari Íslands undanfarin rúm 40 ár, sjálfur Björgvin Halldórsson, er á leið til Eyja og skemmtir Eyjamönnum og gestum þeirra í Höllinni þann 17.mars. Björgvin mætir ásamt 6 manna hljómsveit og heldur svipaða tónleika og hann hélt í tilefni sextugs afmælisins á liðnu ári. Ekki nóg með að hann spili rjómann af sínum bestu lögum á tónleikum, heldur ætlar hann síðan að halda ball í anda Björgvins og Brimklóar, enda á hljómsveitin 40 ára afmæli á þessu ári, eins og önnur flott og fræg sveit, hljómsveitin Eagles.

Ungir sj�lfst��ismenn � Eyjum taka undir me� formanni flokksins

Mon, 30 Jan 2012 22:17:00 +0000

Eyverjar, félag ungra Sjálfstæðismanna í Vestmannaeyjum, taka undir þau orð sem fram koma í þingsályktunartillögu Bjarna Benediktssonar formanns Sjálfstæðisflokksins varðandi afturköllun ákæru á hendur Geir H. Haarde. Sérstaklega skal bent á að með niðurstöðu Alþingis í málinu voru mannréttindi Geirs fótum troðin. Illa er farið með réttarríkið og unga lýðveldið okkar þar sem mannréttindi hafa alltaf verið í hávegum höfð.

Brotist inn � ��r�ttami�st�� og Berg VE

Mon, 30 Jan 2012 16:07:00 +0000

Tvö innbrot komu inn á borð lögreglunnar í Vestmannaeyjum í vikunni. Að morgni 27. janúar fór dökkklæddur maður inn í Íþróttamiðstöðina en af upptökum í eftirlitsmyndavélum visðist sem styggð hafi komið að manninum þegar öryggiskerfi hússins fór í gang og hann lét sig hverfa. Hins vegar bendir allt til þess að hægt verði að bera kennsl á hann af upptökunum. Þá var brotist inn í togarann Berg VE-44 29. janúar. Svo virðist sem engu hafi verið stolið en eitthvað var rótað í skápum. Hægt er að lesa um þetta í dagbók lögreglunnar hér að neðan.

Leikma�ur �BV tryllir stelpurnar � facebook

Mon, 30 Jan 2012 15:27:00 +0000

Guðmundi Þórarinssyni, leikmanni ÍBV er fleira til lista lagt en að þræða fótboltanum á milli fóta varnarmanna. Hann er nefnilega hinn fínasti tónlistarmaður, ekkert síðri en bróðir sinn Ingó í Veðurguðunum. Guðmundur setti á dögunum inn myndband á Youtube sem vakti mikla athygli og hefur hann nú fylgt því eftir með öðru myndbandi en bæði myndböndin má sjá hér að neðan. Eyjafréttir.is sendu nokkrar spurningar á kappann vegna viðtalanna og má einnig sjá svörin hér að neðan.

L�fshlaupi� hefst � mi�vikudaginn

Mon, 30 Jan 2012 09:05:00 +0000

1. febrúar næstkomandi hefst Lífshlaupið, verkefni sem heilsu- og hvattningarverkefni Íþrótta- og Ólympíusambands Íslands, Ísland á iði, stendur fyrir. Um er að ræða vinnustaðakeppni, hvatningarleik fyrir grunnskóla og einstaklingskeppni um allt land sem stendur til 21. febrúar. Meginmarkmið Lífshlaupsins er að hvetja almenning til að hreyfa sig og huga að sinni daglegu hreyfingu í frítíma, heimilisstörfum, vinnu, skóla og við val á ferðamáta.

P�tur J�hann og Steini fresta komu til Eyja

Sun, 29 Jan 2012 20:42:00 +0000

Pétur Jóhanna og félagar hafa ákveðið að fresta sýningunni sinn til 9. mars þar sem allt er komið á fullt í vinnu í Eyjum. Sýningin var fyrirhuguð þann 2. febrúar en færist til föstudagskvöldið 9. mars og verður hún í Höllinni Vestmannaeyjum kl 20:30.