Eyjafréttir

VAKTIN

héraðsfréttablað dreift ókeypis í öll íbúðarhús í Vestmannaeyjum 

Ritstjóri og ábyrgðarmaður: Júlíus G. Ingason, vaktin@eyjafrettir.is
Sími: 698-0101

Útgefandi: Eyjasýn ehf.

Verðskrá auglýsinga í Vaktinni:

Dálksentímetrinn kr. 435,- + vsk.

Heilsíða (19x25,5 cm.) kr.24,000,- + vsk.
Hálfsíða (19x12,5 cm.) kr. 15,000,- + vsk.
Kvartsíða (9x12,5 cm.) kr. 8,000,- + vsk.
Áttungssíða (9x6 cm.) kr. 4,500,- + vsk.

Veittir eru afslættir af viðmiðunarverði eftir magni viðskipta

Skil á auglýsingum:
Freehand (eps) - Illustrator - Photoshop 300 dpi PDF - Acrobat 300 dpi.
Auglýsingar og myndir sem birtast eiga í Vaktinni verða að vera minnst 300 dpi

Saga Vaktarinnar

Fyrsta tölublað af Vaktinni kom út á haustdögum árið 2003. Útgefandi og ritstjóri blaðsins var Jóhann Ingi Árnason. Blaðið fékk strax góðar móttökur auglýsenda og lesenda. Því var dreift ókeypis á öll heimili í Eyjum og var reglulega 12 - 16 blaðsíður að stærð. Í byrjun árs 2007 urðu eigandaskipti a blaðinu, þegar Eyjasýn ehf. keypti útgáfuna af Jóhanni Inga. Hann var þó áfram ritstjóri blaðsins fram að mánaðamótum ágúst/september það ár, að hann flutti til Bandaríkjanna. Við ritstjórn Vaktarinnar tók þá Júlíus Ingason, sem verið hafði blaðamaður hjá Fréttum.

Í viðtali sem birtist við Jóhann Inga, eftir að hann lét af störfum segir hann svo frá tildrögum þess að hann hellti sér í blaðaútgáfu: "Ég fór að kanna möguleikann á því að hefja útgáfu á nýju vikublaði, sem mörgum fannst ekki sniðug hugmynd enda hafði Fréttir, eitt besta héraðsfréttablað landsins, verið gefið út í Eyjum í mörg ár. Ég fékk hinsvegar góð viðbrögð hjá stórum auglýsendum áður en ég hóf útgáfuna og með því gat ég tryggt dæmið. Ég ákvað því að slá til og blaðið fór á flug strax og var um tíma reglulega tólf til sextán síður. Það kom svo að því að Eyjasýn, sem gefur út Fréttir, vildi kaupa Vaktina. Mér fannst rétti tíminn til að selja og ákvað að slá til. Nú standa þeir að útgáfu á báðum blöðunum.. Ég er hinsvegar mjög stoltur að hafa haldið blaðinu gangandi öll þessi ár og missa aldrei úr viku vegna veikinda að sumarfría."